niśumbhaśumbhamardinīṁ pracaṇḍamuṇḍakhaṇḍanīm |vanē raṇē prakāśinīṁ bhajāmi vindhyavāsinīm || 1 ||
triśūlamuṇ…
niśumbhaśumbhamardinīṁ pracaṇḍamuṇḍakhaṇḍanīm |
vanē raṇē prakāśinīṁ bhajāmi vindhyavāsinīm || 1 ||
triśūlamuṇḍadhāriṇīṁ dharāvighātahāriṇīm |
gr̥hē gr̥hē nivāsinīṁ bhajāmi vindhyavāsinīm || 2 ||
daridraduḥkhahāriṇīṁ satāṁ vibhūtikāriṇīm |
viyōgaśōkahāriṇīṁ bhajāmi vindhyavāsinīm || 3 ||
lasatsulōlalōcanāṁ janē sadā varapradām |
kapālaśūladhāriṇīṁ bhajāmi vindhyavāsinīm || 4 ||
karē mudā gadādharīṁ śivā śivapradāyinīm |
varāṁ varānanāṁ śubhāṁ bhajāmi vindhyavāsinīm || 5 ||
r̥ṣīndrajāminīpradāṁ tridhāsvarūpadhāriṇīm |
jalē sthalē nivāsinīṁ bhajāmi vindhyavāsinīm || 6 ||
viśiṣṭasr̥ṣṭikāriṇīṁ viśālarūpadhāriṇīm |
mahōdarē vilāsinīṁ bhajāmi vindhyavāsinīm || 7 ||
purandarādisēvitāṁ murādivaṁśakhaṇḍanīm |
viśuddhabuddhikāriṇīṁ bhajāmi vindhyavāsinīm || 8 ||
iti śrī vindhyavāsinī stōtram |
